ئهردۆغان دهستپێكردنى هێرشى بۆ سهر شنگال راگهياند
K24 – ههولێر:
سهرۆكى توركيا، رهجهب تهيب ئهردۆغان، ئهمڕۆ يهكشهممه دهستپێكردنى ئۆپراسيۆنى سهربازى له دژى پارتى كرێكارانى كوردستان(پهكهكه) له شنگال راگهياند.
ئهردۆغان له وتهيهكدا كه ئاژانسى ههواڵدهرى ئهنادۆڵى رهسمى توركيا بڵاويكردووهتهوه، رايگهياند، "دووپاتمانكردهوه ئێمه دهچينه شنگال، ئێستاش كردهوه سهربازييهكان لهوێ دهستيانپێكردووه".
ئهردۆغان ئهوهشى وتووه: "توركيا شهڕى تيرۆريستان له ناوخۆ و دهرهوهى وڵات دهكات".
ههروهها وتويهتى: "ئێمه دهوڵهتێكى داگيركهر نيين و خهمى گهورهمان لهناوبردنى تيرۆره".
دهستپێكردنى هێرشى سهربازى توركيا بۆ سهر شنگال له كاتێكدا دێت، كه له چهند رۆژى رابردوودا، پهكهكه به رهسمى كشانهوهى هێزهكانى له شنگال راگهياند.
دواى خيانهتى 16ى ئۆكتۆبهرى 2017، هێزه عێراقييهكان و ميليشياكانى حهشدى شهعبى شنگاليان داگيركردووه و هێزى پێشمهرگه له ناوچهكهدا نهماوه.
له ميانى شهڕى داعشدا، سوپاى توركيا بنكهيهكى سهربازى له نزيك باشيكى دهڤهرى شنگال دامهزراندووه و چهندينجار حكومهتى عێراق داواى كشانهوهى ئهو هێزهى توركياى كردووه، بهڵام توركيا گوێى به داواكانى بهغدا نهداوه.
ههر ئهمڕۆ پهيامنێرى كوردستان24 له دهۆك رايگهياند، لە ئەنجامی بوردومانی فڕۆکەکانی تورکیا بۆ سهر ناوچهكانى نێروە و رێکان، کەمێک پێش ئێستا، هاووڵاتييهكى مهدهنى خەڵکی ناوچەکە بە ناوی نیهاد محەممەد برینداربووە.
ئ.ر
#عاجل | #أردوغان: قلنا إننا سوف ندخُل #سنجار(شمالي #العراق) أيضًا والآن بدأت العمليات العسكرية هناك. إننا نحارب الإرهابيين في الداخل والخارج. نحن لسنا دولة احتلال وهمُّنا الأكبر هو مكافحة الإرهابيين pic.twitter.com/ked6eh0ixj
— ANADOLU AGENCY (AR) (@aa_arabic) ٢٥ مارس، ٢٠١٨