دهزگای خێرخوازی بارزانی هاوكاری پهنابهرانی عهفرین دهكات
K24 - ھەولێر
ژمارهیهك پهنابهری شاری عهفرینی رۆژئاوای كوردستان گهیشتوونهته باشووری كوردستان.
مووسا ئهحمهد، سهرۆكی دهزگای خێرخوازی بارزانی بۆ كوردستان24 ئاشكرای كرد: "ژمارهیهك له پهنابهرانی عهفرین گهیشتوونهته، ههرێمی كوردستان و رۆژ به رۆژ، ئهو ژمارهیهش بهرزتر دهبێتهوه و دهزگای خێرخوازی بارزانیش ئامادهكاری بۆ هاوكاریكردنی پهنابهرانی عهفرین كردووه".
مووسا ئەحمەد گوتیشی: "دەزگای خێرخوازی بارزانی بۆ ھەموو لێقەوماوانە، بەتایبەتی خزمەتكردنی ئاوارە و لێقەوماوانی كورد بە ئەرك دەزانین، ئەوە ھاریكاری نییە، بەڵكو ئەركی سەرشانمانە".
ئاماژەی بۆ ئەوەشكرد: "ئاماری ئەو ئاوارانەی عەفرین كە ھاتوونەتە ھەرێمی كوردستان وەرگیراوە و ئەوەی پێمان بكرێت بۆ خزمەتكردنیان درێغی ناكەین، جگە لەوەی وەك دەزگای خێرخوازی بارزانی ھاوكاریان دەكەین، دەبینە پردێك لەنێوان ئەوان و رێكخراوەكانی دیكەی نێودەوڵەتی".
سهرۆكی دهزگای خێرخوازی بارزانی، ئاشكرای كرد: "ھاتنی ئاوارەكانی عەفرین بۆ ھەرێمی كوردستان بەردەوامە، بۆیە لە رۆژانی داھاتوودا ژمارەیان زیاتر دەبێت".
راشیگەیاند: "پێش داگیركردنی عەفرین ھەوڵی زۆرماندا كە ھاوكارییەكانمان بگەیەنینە عەفرین، مەسروور بارزانی، سەرپەرشتیاری دەزگای خێرخوازی بارزانی رایگەیاند، كە دەمانەوێت ھاوكارییەكانمان بگەیەنینە لێقەوماوانی عەفرین، بەڵام رێگە دوورە و بەھۆی گەمارۆی سەر شارەكە نەمانتوانی ئەوكات ھاوكارییەكانمان بگەیەنینە عەفرین، ئێستاش ھەموو ھەوڵێك دەدەین و ئەوەی لە دەستمان بێت بۆ ھاوكاریكردنی خەڵكی عەفرین دەیكەین".
رۆژی 18 ئازاری ئەمساڵ، شاری عەفرین لەلایەن سوپای توركیا و چەكدارانی سوپای ئازادی سەر بە ئەنقەرە داگیركرا، بەھۆی بۆردوومان و تۆپبارانی سوپای توركیا زیاتر لە 300 ھاووڵاتی سڤیلی عەفرین شەھید بوون و زیاتر لە 700 كەسی دیكەش برینداربوون، بە گوێرەی دواینن ئاماری نەتەوە یەكگرتووەكانیش، زیاتر لە 170 ھەزار كەس لە عەفرین ئاوارەبوونە.
ھ.م