به‌ ڤیدیۆ.. سه‌ركه‌وتنه‌كه‌ی ئارسێناڵ زنجیره‌یه‌ك رووداوی مێژووی به‌دوای خۆیدا هێنا

له‌ گه‌ڕی 32ـی پرێمه‌رلیگ، یانه‌ی ئارسێناڵ له‌ نێو یاریگه‌ی خۆی به‌ 3 گۆڵی خاوێن شكستی به‌ یانه‌ی ستۆك سیتی میوانی هێنا، هه‌ر 3 گۆڵه‌كه‌ش 15 خوله‌كی كۆتایی یارییه‌كه‌ تۆمار كرا.

له‌ خوله‌كی 15 ئۆبامیانگ به‌ لێدانی سزا شریتی گۆڵه‌كاتی تۆپوه‌شێنه‌كانی بڕی، دواتر هه‌مان یاریزان له‌ خوله‌كی 86 گۆڵی دووه‌می زیاد كرد، دوای 3 خوله‌كی دیكه‌ لاكازێتی دوای دابڕانێكی زۆر گۆڵێكی به‌ لێدانی سزا كرده‌ شیرینی گه‌ڕانه‌وه‌ و چاكبوونه‌وه‌ی له‌ پێكانه‌كه‌ی.

یانه‌ی ئارسێناڵ به‌ 51 خاڵ له‌ شوێنی خۆی له‌ خانه‌ی شه‌شه‌م مایه‌وه‌، له‌وكاته‌ی یانه‌ی ستۆك سیتی به‌ 27 خاڵ له‌ خانه‌ی پێشكۆتایی ریزبه‌ندی پرێمه‌رلیگ دێت و هه‌ڕه‌شه‌ی دابه‌زینی له‌سه‌ره‌.

گرینگترین رووداو و ئاماره‌كانی یارییه‌كه‌:

ـ ئالێكسانده‌ر لاكازێتی بووه‌ یه‌كه‌م یاریزانی ئه‌م وه‌رزه‌ی ئارسێناڵ كه‌ له‌ پرێمه‌رلیگ 10 گۆڵی تۆمار كردووه‌.

ـ ئۆبامیانگ بۆ یه‌كه‌مجار له‌م وه‌رزه‌ له‌گه‌ڵ ئارسێناڵ دووانه‌ی تۆمار كرد.

ـ ئۆبامیانگ یه‌كه‌مجاره‌ له‌ مێژووی ئارسێناڵ له‌ 6 یاری سه‌ره‌تای 5 گۆڵ ده‌كات.

ـ ئۆبامیانگ یه‌كه‌م یاریزانی گابۆنییه‌ له‌ پرێمه‌رلیگ گۆڵ تۆمار ده‌كات.

ـ یه‌كه‌مجاره‌ له‌ مانگی دێسێمبه‌ری  2012 ئارسێناڵ له‌ یه‌ك یاری 2 گۆڵ به‌ لێدانی پێناڵتی ده‌كات.

ـ بۆ جاری یه‌كه‌مه‌ له‌ دوای 2015، ئارسێناڵ له‌ یارییه‌ك 3 گۆڵ تۆمار بكات و هیچ گۆڵێكی لێ نه‌كرێت.