حكومه‌تى هه‌رێم واده‌ى پشووى جه‌ژنى ره‌مه‌زانى راگه‌ياند
K24 – هه‌ولێر:
وته‌بێژى حكومه‌تى هه‌رێمى كوردستان، (سه‌فين دزه‌يى)، له راگه‌يه‌ندراوێكدا پشووى جه‌ژنى ره‌مه‌زانى له داموده‌زگاكانى حكومه‌تى هه‌رێم راگه‌ياند.
له راگه‌يه‌ندراوه‌كه‌دا هاتووه: "بۆنەی جەژنی رەمەزانی پیرۆزەوە، پیرۆزباییەكی گەرم ئاراستەی موسڵمانانی كوردستان و جیهان دەكەین. هیوادارین ئەم جەژنە ببێتە مایەی دڵخۆشی و سەقامگیری بۆ هەرێمی كوردستان و پتەوتركردنی یەكڕیزی گەلەكەمان".
هه‌روه‌ها هاتووه: "بەم بۆنەیشەوە رایدەگەیەنین، پشووی جەژنی رەمەزانی پیرۆز لە رۆژی پێنجشەممە (14/6/2018) دەستپێدەكات و تا رۆژی دووشەممە (18/6/2018) بەردەوام دەبێت و رۆژی سێشەممە (19/6/2018) دەوامی فەرمی لە دامودەزگاكانی حكومەتی هەرێمی كوردستان دەستپێدەكاتەوە.