ئهنقهره فهرمانى دهستگيركردنى بۆ 132 كهسى ديكه دهركرد
K24 – ههولێر:
تەنها دوو رۆژ بەسەر هەڵبژاردنەکانی تورکیادا تێپەڕیوە و بەرپرسانی حکوومەتی تورکیا بڕیاری دەستبەسەرکردنی 132 کەس دیکەیان بە تۆمەتی کودەتاکەی تهمموزى ساڵی 2016ی تورکیا دەرکرد.
كهناڵى (ئاڕ تی) رووسی، بڵاويكردهوه، ئەمڕۆ سێشەممە(26ى حوزهيران/ يۆنيۆى 2018)، بەرپرسانی تورکیا فەرمانی دەستگیرکردنيان بۆ 132 کەسى ديكه به تۆمەتی ئەندامبوون لە رێكخراوهكهی فەتحوڵڵا گولەن و کودەتاکەی دژ بە ئەردۆغان دەرکردووە.
30 کەس لەوانەی فەرمانی دەستگیرکردنیان بۆ دەرچووە سەر بە هێزەکانی دەریاوانی و پاراستنی سنووری تورکیان.
نەتەوە یەکگرتووەکان لەبارەی رەشبگیری هاووڵاتیانی تورکیا ئامارێکی بڵاوکردووهتەوە و بە گوێرەی ئەو ئامارە،"160 هەزار کەس لە دوای کودەتاکەی ساڵی 2016 لە تورکیا دەستگیرکراون".
رەجەب تەیب ئەردۆغان، سەرۆک کۆماری تورکیا، فەتحوڵڵا گولەن، رابەری رێكخراوى خزمهت کە ئێستا لە ئەمەریکا دەژیت و ئەندامانی ئهو رێكخراوه، بە ئەنجامدەری "کودەتا شكستخواردووهكهى 2016 تۆمەتبار دەکات و تاکو ئێستاش هەزاران لە لایەنگر و ئەندامی ئەو رێكخراوه لە تورکیا دەستگیرکراون.
هـ.ج