مووچهی بهشێك له خانهنشینان دابهش دهكرێت
K24 - ههولێر:
وهزارهتی دارایی و ئابووری حكوومهتی ههرێمی كوردستان، له راگهیهندراوێك، ئهو خانهنشینانه ئاگادار دهكاتهوه، كه له دایكبووی ساڵی 1954ـن و له ساڵی 2017 خانەنشین بوونه، بۆ ئهوهی سهردانی بانك بكهن و مووچهكانییان وهربگرن.
به گوێرهی راگهیهندراوێكی وهزارهتی دارایی، كه له پهیجی فهرمی وهزارهتهكه بڵاوكراوهتهوه، بەڕێوەبەرایەتی خانەنشین رایدهگهیهنێت، سبەی سێ شەممە 10/7/2018 له بانكهكان، مووچهی بهشێك له خانهنشینان دابهش دهكرێت، كه لە ساڵی 1954 لە دایك بوون و لە ساڵی 2017 خانەنشین بوون.
دهقی راگهیهندراوهكهی وهزارهتی دارایی و ئابووری:
" ئاگاداریەك لە بەڕێوەبەرایەتی گشتی خانەنشین لە وەزارەتی دارایی و ئابووری حكومەتی هەرێم
بەڕێوەبەرایەتی خانەنشین داوا لەو خانەنشينانە دەكات كە لە ساڵی 1954 لە دایك بوون و لە ساڵی 2017 خانەنشین بوون، سبەی سێ شەممە 10/7/2018 سەردانی بانكەكان بكەن بۆ وەرگرتنی مووچەكانیان
بەڕێوەبەرایەتی گشتی خانەنشینی هەرێم
9/7/2018"
ا. م