خۆپیشاندانەکانی نەجەف ئاراستەی فرۆکە ئێرانییەکانی گۆڕی
K24 – ههولێر:
لە درێژەی نیشاندانی ناڕەزایەتییەکانیان، سەدان خۆپیشاندەر رۆژی هەینی رابردوو چوونە ناو فرۆکەخانەی نەجەف و پشێوی زۆریان دروستکرد، ئەمەش کاریگەری لەسەر گەشتەکانی ئەو فرۆکەخانەیە دروستکردووە.
رەزا جعفرزادە، سەرۆکی دەستەی فرۆکەوانی مەدەنی ئێران، لە لێدوانێکیدا بۆ تەلەڤزیۆنی فەرمی دەوڵەتی ئێران رایگەیاند: "بەهۆی کێشەکانی فرۆکەخانەی نەجەف، فرۆکە ئێرانییەکان سەرنشینەکانیان بۆ بەغداد دەگوازنەوە".
پێشتریش ههردوو كۆمپانیای فڕۆكهوانی فلای دوبهی ئيماراتى و رۆیالی ئهردهنی، راگرتنی گهشتهكانیان بۆ فڕۆكهخانهی نێودهوڵهتی نهجهف راگهیاندبوو.
دژی کەمی خزمەتگوزاری و گەندەڵی، لە چەند پارێزگایەکی باشووری عێراق خۆپیشاندان دەستیپێکردووە و تاکو ئێستاش ژمارهیهك کوژراو و بریندار لە ریزی خۆپیشاندەران هەن.
H.J