دوو گه‌نجی ئێزدی له خانكێ خنكان
K24 - هه‌ولێر:
دوو گه‌نجی ئێزدی كه خه‌ڵكی شنگالن، له ناو ده‌ریاچه‌ی خانكێ خنكان، كه بۆ مه‌له‌وانی روویان له شوێنه‌كه كردبوو.
به گوێره‌ی زانیارییه‌كانی په‌یامنێری كوردستان، گه‌نجه‌كان به ناوه‌كانی (قه‌وال قاسم) و (گدۆ ئه‌لیاس)، كه ته‌مه‌نیان له نیوان 20 بۆ 25 ساڵیدایه، له‌ناو ده‌ریاچه‌كه، كه ده‌كه‌وێته قه‌زای سێمێلی پارێزگای دهۆك خنكان.
دوای رووداوه‌كه ته‌رمه‌كانییان له ئاوه‌كه‌دا هێنراوه‌ته ده‌ره‌وه و ره‌وانه‌ی شوێنه په‌یوه‌ندیداره‌كان كراون.
وه‌ك زانیارییه‌كان باسی ده‌كه‌ن، ئه‌و دوو گه‌نجه بۆ به‌سه‌ربردن كات و گه‌شتێك، بۆ ئه‌وه‌ی له ده‌ریاچه‌كه مه‌له‌وانی بكه‌ن، روویان له شوێنه‌كه كردووه، به‌ڵام خنكاون.
ا. م