به‌غدا وه‌ڵامى لێدوانى وه‌زيرى به‌رگرى ئيسرائيل ده‌داته‌وه
K24 – هه‌ولێر:
سه‌رچاوه‌يه‌ك له وه‌زاره‌تى به‌رگرى عێراق، وه‌ڵامى لێدوانێكى وه‌زيرى به‌رگرى ئيسرائيل، ئه‌فيگدۆر ليبرمانى دايه‌وه.
وه‌زيرى به‌رگرى ئيسرائيل، ئه‌فيگدۆر ليبرمان رايگه‌ياندبوو، ئيسرائيل ده‌كرێت پێگه سه‌ربازييه‌كانى ئێران له ناو خاكى عێراقدا بكاته ئامانج.
له به‌رامبه‌ر ئه‌و لێدوانه‌دا، ئه‌فسه‌رێكى باڵاى سوپاى عێراق له وه‌زاره‌تى به‌رگرى عێراق، به كه‌ناڵى رووسياليه‌ومى راگه‌ياندووه، به‌زاندنى سه‌روه‌رى عێراق هێڵى سووره.
ئه‌و ئه‌فسه‌ره راشيگه‌ياندووه، وه‌زاره‌ته‌كه‌يان چاوه‌ڕێى وه‌ڵامى ره‌سمى فه‌رمانده‌ى گشتى هێزه چه‌كداره‌كانى عێراق، حه‌يده‌ر عه‌بادى ده‌كات.
روونيشيكرده‌وه، عێراق وڵاتێكى خاوه‌ن سه‌روه‌رييه و سوپايه‌كى به‌هێزى هه‌يه. ئه‌وه‌ى ليبرمان باسى كردووه زيان له شكۆى سه‌روه‌رى عێراق ده‌دات و هێڵى سووره.
ئ.ر