لە ئەڵمانیا شیلانی كوشت لە دھۆك دەستگیركرا

K24 - دھۆك

دوای دوو ساڵ كوژرانی كچێكی ئێزدی لە وڵاتی ئەڵمانیا بكوژەكەی لە شاری دھۆك دەستگیركرا.

موقەدەم ھێمن سلێمان، بەرپرسی راگەیاندنی پۆلیسی پارێزگای دھۆك بە كوردستان24 راگەیاند: "دوای ئەوەی لە 13/3/2016، كچێكی ئێزدی بەناوی شیلان غازی، لە وڵاتی ئەڵمانیا لەناو ئاھەنگێكدا كوژرا و تۆمەتبارەكە خۆی شاردبووەوە و بە رێگەی نایاسایی گەڕابووە عێراق، باوكی كچەكە لە دادگای كەڕادەی بەغدا سكاڵای لە دژی بكوژەكە تۆماركرد و فەرمانی دەستگیركردن بۆ بكوژەكە دەرچوو، فەرمانەكە بۆ وەزارەتی ناوخۆی ھەرێمی كوردستان رەوانەكرا. دوو رۆژ لەمەوبەر 12/10/2018 ھەواڵگری فەرماندەی دھۆكی ھێزی پێشمەرگە بە ھاوكاری پۆلیسی نەھێشتنی دھۆك ئەو تاوانبارەیان لە سنووری پارێزگای دھۆك دەستگیركرد".

ئاماژەی بەوەشدا: "بەپێی زانیارییە سەرەتاییەكان ئەو رووداوە لە ئەنجامی بوونی كێشەیەكی كۆمەڵایەتی بووە".

رۆژی 13/3/2016 لە شاری هانۆڤەری ئەڵمانیا لە ئاهەنگێكی خێزانیدا كچێكی ئێزدی بەناوی شیلان غازی كوژرا.