د. نەزاكەت حەمەسەعید: كوردستان 24 بەپێی میتۆدی "به‌رپرسیاریه‌تی كۆمه‌ڵایه‌تی" كاری كردووە
K24 - هه‌ولێر:
د. نەزاكەت حەمەسەعید، مامۆستای بەشی راگەیاندن لە زانكۆی سلێمانی دەڵێت: "كوردستان24 وەك ناوەندێكی میدیایی ھەمەجۆر بەشێوەیەکی درووست و بابەتیانە و بە پێی پره‌نسیپی "به‌رپرسیاریه‌تی كۆمه‌ڵایه‌تی"، ئه‌ركه پیشه‌ییه‌كانی به‌رامبه‌ر نیشتمان، تاكه‌كانی كۆمه‌ڵگه، ئازادیه كه‌سییه‌كان، به‌جێده‌گه‌یه‌نێت.
ھەروەھا راوێژ بە پسپۆڕانی میدیایی دەكات ئەمەش خاڵێكی گرنگە كە ئێمە لە كەناڵی كوردستان24 دەیبینین.
كوردستان 24 له رۆژی 31/10/2015 ده‌ستی به په‌خشكردن كردووه‌و له ماوه‌ی سێ ساڵی رابردوودا توانیوویه‌تی ببێته ناوه‌ندێكی میدیایی كارا و كاریگه‌ری میدیایی و سه‌رچاوه‌ی هه‌واڵی میدیاكانی ناوخۆ و ده‌ره‌وه.