بەشێک لە قوتابیانی دەربەندیخان دەستیان بەخۆپیشاندان کرد

K24 – هه‌ولێر:

هەرێم جاف، پەیامنێری کوردستان24 لە گەرمیان رایگەیاند، بەهۆی نەبوونی چەند خزمەتگوزارییەک، قوتابیانی پەیمانگای تەکنیکی دەربەندیخان دەستیان بەخۆپیشاندان کردووە.

ئەو قوتابیانەی قەزای دەربەندیخان، داوای خزمەتگوزارییە سەرەتاییەکان و قیرتاوکردنی رێگای بەردەم پەیمانگاکەیان دەکەن.

بەهۆی ئەو شەپۆلە بارانەی هەرێمی کوردستانی گرتووەتەوە، رێگای سەرەکی گەیشتن بەو پەیمانگایە قوڕاوی بووە و قوتابیان ئاستەنگیان هاتووەتە پێش، داوا دەکەن ئەو کێشەیان بۆ چارەسەر بکرێت.

H.J