سبەی شاندی پارتی دەگاتە سلێمانی
K24 – ههولێر:
سبەی سێشەممە 18/12/2018 شاندێكی پارتی دیموكراتی كوردستان سەردانی سلێمانی دەكات و لەگەڵ یەکێتی نیشتیمانی کوردستان و بزووتنەوەی گۆڕان کۆدەبێتەوە.
بڵند ئیسماعیل، ئەندامی سەرکردایەتی پارتی بە كوردستان24ی راگەیاند: "سبەی شاندێكی پارتی بەمەبەستی گفتوگۆكردن لەگەڵ لایەنەكان سەبارەت بە پێكھێنانی حكومەت سەردانی سلێمانی دەكات و لەگەڵ ھەریەكە لە یەكێتی نیشتمانی كوردستان و بزووتنەوەی گۆڕان كۆدەبێتەوە".
ئەندامەکەی سەرکردایەتی پارتی روونیکردەوە، شاندەكەی پارتی لە ئازاد بەرواری و مەحموود مەحەمەد و ھێمن ھەورامی و فرسەت سۆفی پێكدێت.
پارتی گفتوگۆكانی لەگەڵ لایەنەكان بۆ پێكھێنانی حكومەت چڕكردووەتەوە، بۆ ئەم مەبەستەش ئەمە سێیەم كۆبوونەوەیە كە لەگەڵ یەكێتی و گۆڕان دەیکات.
H.J