له سلێمانى خۆكوشتن ته‌شه‌نه‌ى كردووه
K24 – سلێمانى:
ماوەیەکە لێرەو لەوێ زۆر گوێ بیستی ئەوە دەبین کە ھاووڵاتیەک کۆتایی بە ژیانی خۆی ھێناوە، کە ئەو رووداوانەش کاریگەری نەرێنی دەروونی و کۆمەڵایەتی لەسەر تاک و کۆمەڵگه درووست دەکات. وتەبێژی پۆلیسی سلێمانیش رايگه‌ياند، ئه‌مساڵ ئامارەکانی خۆکوشتن لە ساڵی رابردوو زیاترە.
بە گوێره‌ى ئامارێکی دەستەی مافی مرۆڤی هه‌رێمى كوردستان، کە دەست کوردستان24 کەوتووە، لە سەرەتای ئەمساڵەوە تا كۆتايى مانگى ئه‌يلوول واته له ماوه‌ى 9 مانگدا ته‌نیا لە سنووری سلێمانی 62 حاڵەتی خۆکوشتن تۆمار کراون.