ئه‌ردۆغان هه‌ڕه‌شه‌ى له‌ناوبردنى په‌كه‌كه و په‌يه‌ده ده‌كات
K24 – هه‌ولێر:
سه‌رۆكى توركيا، ره‌جه‌ب ته‌يب ئه‌ردۆغان رايگه‌ياند، وڵاته‌كه‌ى له هه‌وڵه‌كانى به‌رده‌وام ده‌بێت بۆ كۆتايهێنان به رێكخراوه‌كانى داعش، گوله‌ن، پارتى كرێكارانى كوردستان و پارتى يه‌كێتى ديموكراتى و به رێكخراوى تيرۆريستى وه‌سفيكردن.
ئه‌مڕۆ سه‌رۆك كۆمارى توركيا، له كۆبوونه‌وه‌يه‌كى پارته‌كه‌ى له ئه‌نقه‌ره به‌شداريكرد و تێيدا وتارێكى ئاراسته‌ى ئه‌ندام و لايه‌نگرانى پارته‌كه‌ى كرد.
ئه‌ردۆغان له‌و وتاره‌دا هێرشيكرده سه‌ر هێزه كوردييه‌كانى پارتى كرێكارانى كوردستان و پارتى يه‌كێتى ديموكراتى و به رێكخراوى تيرۆريست وه‌سفيكردن.
توركيا پارتى يه‌كێتى ديموكراتى كورديى له سووريا به رێكخراوێكى تيرۆريست وه‌سف ده‌كات و له ئێستادا ئاماده‌كارى بۆ هێرشكردنه سه‌ر باكوورى سووريا و رۆژهه‌ڵاتى فورات ده‌كات.
په‌يه‌ده، به باڵى سياسى يه‌كينه كوردييه‌كانى سووريا هه‌ژمار ده‌كرێت و پێشتر ئه‌و هێزانه له لايه‌ن هاوپه‌يمانى نێوده‌وڵه‌تى دژى داعش به سه‌رۆكايه‌تى ئه‌مه‌ريكا پشتيوانيان لێده‌كرا.
سه‌رچاوه: RT
ئ.ر