به‌ ڤیدیۆ.. ئوردن به‌شێوه‌یه‌كی چاوه‌ڕواننه‌كراو شكستی به‌ ئوستراڵیا هێنا

ئوستڕالیا به‌ دۆڕان ده‌ستی به‌ هه‌ڵمه‌تی پارێزگاریكردن له‌ نازناوی جامی ئاسیا كرد و له‌ یه‌كه‌م تاقیكردنه‌وه‌ به‌رامبه‌ر ئوردن دۆڕا.

له‌ ركابه‌رییه‌كانی كۆمه‌ڵه‌ی دووه‌می جامی ئاسیای 2019  ئوستڕالیای هه‌ڵگری نازناوی رابردوو‌ رووبه‌ڕووی ئوردن بووه‌وه‌ و یارییه‌كه‌شی به‌ گۆڵێكی بێبه‌رامبه‌ر دۆڕاند.

تاكه‌ گۆڵی سه‌ركه‌وتنی ئورده‌ن ئه‌نه‌س به‌نی یاسین له‌ خوله‌كی 26 تۆماریكرد و یه‌كه‌م بردنه‌وه‌یان له‌ جامی ئاسیای2019  به‌ده‌ستهێنا.

ئوردن و ئوستراڵیا كه‌وتوونه‌ته‌ كۆمه‌ڵه‌ی دووه‌می جامی نه‌ته‌وه‌كانی ئاسیا و شانبه‌شانی هه‌ڵبژارده‌كانی سووریا و فه‌ڵه‌ستین یاری ده‌كه‌ن.

جامی نه‌ته‌وه‌كانی ئاسیا بۆ یه‌كه‌مجار به‌ به‌شداری 24 هه‌ڵبژارده‌ له‌ وڵاتی ئیمارات به‌ڕێوه‌ ده‌چێت.