پشتيوان سادق: 500 قوتابخانه‌ پێويستيان به‌ نۆژه‌نكردنه‌وه‌يه‌

داواى له‌ هاووڵاتيان كرد، گرنگى به‌ بنياتنان و نۆژه‌نكردنه‌وه‌ى قوتابخانه‌ بده‌ن
kurdistan24.net

K24 – هه‌ولێر:

وه‌زيرى په‌روه‌رده‌ى حكومه‌تى هه‌رێمى كوردستان، پشتيوان سادق، رايگه‌ياند، له‌ هه‌رێمى كوردستان كێشه‌ى جه‌وهه‌رى ئه‌وتۆ نين، كه‌ ببنه‌ هۆى په‌كخستنى پرۆسه‌ى سياسى و ئه‌و كێشانه‌ى هه‌ن بچووكن.

وه‌زيرى په‌روه‌رده‌ له‌ ميانى رێوڕه‌سمى كردنه‌وه‌ى قوتابخانه‌يه‌ك له‌ لێدوانێكدا داواى له‌ هاووڵاتيان كرد، گرنگى به‌ بنياتنان و نۆژه‌نكردنه‌وه‌ى قوتابخانه‌ بده‌ن.

له‌ باره‌ى پاشه‌كه‌وتى موچه‌شه‌وه‌، گوتى: ئه‌گه‌ر ئه‌و رێككه‌وتنانه‌ى كراوون جێبه‌جێبكرێن و به‌غدا پشكى هه‌رێم ره‌وانه‌ بكات پاشه‌كه‌وتى مووچه‌ش نامێنێت.

سه‌باره‌ت به‌ ره‌وشى سياسيش گوتى: بڕيارى رێككه‌وتن و كۆبوونه‌وه‌ى په‌رله‌مان له‌ 18ى ئه‌م مانگه‌دا گرنگ و دڵخۆشكه‌ره‌ و له‌ هه‌رێمى كوردستان كێشه‌ى جه‌وهه‌رى گه‌وره‌ نين و ئه‌و كێشانه‌ى هه‌ن بچووكن و ده‌كرێت چاره‌سه‌ر بكرێن.

ئ.ر