راڕه‌وی ئاوی به‌نداوی ده‌ربه‌ندیخان پاككرایه‌وه‌

به‌ وێنه‌ و ڤیدیۆ.. پاككردنه‌وه‌ی راڕه‌وی ئاوی به‌نداوی ده‌ربه‌ندیخان ببینه‌

K24 – ده‌ربه‌ندیخان:

له‌ ئه‌نجامی بارانی به‌خووڕی ماوه‌ی رابردوو، چه‌ند تاشه‌ به‌ردێك له‌ شاخی به‌رانان كه‌وته‌ سه‌ر راڕه‌وی ده‌رچه‌ی ئاوی به‌نداوی ده‌ربه‌ندیخان و به‌ هۆیه‌وه‌ زیانێكی زۆری به‌ په‌رژینی راگری به‌نداوه‌كه‌ گه‌یاند.

به‌ گوێره‌ی گرته‌یه‌كی ڤیدیۆیی، كه‌ له‌ كامێراكانی چاودێری به‌نداوه‌كه‌ ده‌ركه‌وتووه‌، چه‌ند تاشه‌ به‌ردێكی گه‌وره‌، ده‌كه‌ونه‌ ناو راڕه‌وی تاڤگه‌ی به‌نداوه‌كه‌.

به‌ مه‌به‌ستی چاككردنه‌وه‌ و لادانی تاشه‌ به‌رده‌كانی ناو راڕه‌وه‌كه‌، ستافێك له‌ كارمه‌ند و كرێكارانی به‌نداوه‌كه‌، له‌ ماوه‌ی 5 رۆژی رابردوودا، راڕه‌وه‌كه‌یان به‌ ته‌واوه‌تی پاككردووه‌ته‌وه‌.

سه‌ر له‌ به‌یانی ئه‌مڕۆش ئاو له‌ ده‌رچه‌ی سه‌ره‌وه‌ی به‌نداوه‌كه‌ (تاڤگه‌كان) به‌ردرایه‌وه‌.

ئاماده‌كردن و فۆتۆ: كاروان یاره‌