مه‌سرور بارزانی له‌گه‌ڵ سه‌رۆكی پارته‌كه‌ی ئه‌نگێلا مێركلی راوێژكاری ئه‌ڵمانیا كۆده‌بێته‌وه‌

K24 - میونشن:

مه‌سرور بارزانی، راوێژكاریی ئه‌نجوومه‌نی ئاسایشی هه‌رێمی كوردستان، له‌گه‌ڵ ئانیگریت كرامپ كارینباوه‌ر، سه‌رۆكی پارتی CDU، كه‌ پارته‌كه‌ی ئه‌نگێلا مێركلی راوێژكاری ئه‌ڵمانیایه‌، كۆبووه‌وه‌.

كۆبوونه‌وه‌كه‌ له‌ په‌راوێزی كۆنگره‌ی ئاسایشی میونشنه‌، كه‌ ساڵانه‌ له‌ ئه‌ڵمانیا سازده‌كرێت و مه‌سرور بارزانیش به‌ داوه‌تێكی فه‌رمی حكوومه‌تی ئه‌و وڵاته‌ به‌شداری تێدا ده‌كات.

هه‌ر له‌ په‌راوێزی كۆنگره‌كه‌، كه‌ ئه‌مڕۆ 15ی شوبات/ فێبرایه‌ری 2019 ده‌ستیپێكرد، مه‌سرور بارزانی له‌گه‌ڵ هه‌ریه‌ك له‌ سێرگی لاڤرۆف، وه‌زیری ده‌ره‌وه‌ی رووسیا، فالح فه‌یاز، راوێژكاری ئاسایشی نیشتمانی عێراق و ژماره‌یه‌ك په‌رله‌مانتاری ئه‌ڵمانیا له‌ فراكسیۆنه‌ جیاوازه‌كان كۆبووه‌وه‌.

ئ. م