پارتی و گۆڕان راگه‌یه‌ندراوێكی هاوبه‌شیان بڵاوكرده‌وه‌

رێككه‌وتنێكی سیاسییان په‌سه‌ند كرد

K24 - سلێمانی:

پارتی دیموكراتی كوردستان و بزووتنه‌وه‌ی گۆڕان له‌ سلێمانی له‌سه‌ر ئاستی شاندێكی باڵا كۆبوونه‌وه‌ و پیكهێنانی كابینه‌ی نۆیه‌میان تاووتوێكرد.

له‌ ناوه‌ڕۆكی راگه‌یه‌ندراوه‌ هاوبه‌شه‌كه‌دا هاتووه‌: "لە کەش و هەوایەکی دۆستانە و گفتوگۆیەکی راشکاوانەی بەرپرسیارانە، پەیوەندی هەردوولا و گفتوگۆی پێکهێنانی کابینەی نۆیەمی حکومەتی هەرێمی کوردستان و رێککەوتنی سیاسی نێوان هەردوولا، خرانە روو".

به‌ گوێره‌ی راگه‌یه‌ندراوه‌ هاوبه‌شه‌كه‌، هه‌ردوولا به‌شداری له‌ كۆبوونه‌وه‌ی 18ی 2ی په‌رله‌مانی كوردستان ده‌كه‌ن و له‌ كۆبوونه‌وه‌ی ئه‌مڕۆشیاندا له‌سه‌ر ئه‌م چوار خاڵه‌ رێككه‌وتن.

  1. رێكه‌وتنی سیاسی نێوان پارتی و بزووتنه‌وه‌ی گۆڕان په‌سه‌ند كرا.
  2. له‌ كۆبوونه‌وه‌ی 18ی 2ی په‌رله‌مانی كوردستان، فراكسیۆنی پارتی و فراكسیۆنی گۆڕان به‌شدار ده‌بن.
  3. له‌سه‌ر شێوازی پێكهێنانی حكوومه‌ت گه‌یشتووینه‌ته‌ قۆناغی كۆتایی و پێشڤه‌چوونێكی باشی به‌خۆوه‌ بینیوه‌.
  4. پرۆژه‌ی رێككه‌وتن ده‌برێته‌وه‌ بۆ سه‌ركردایه‌تی هه‌ردوولا بۆ په‌سه‌ندكردنی كۆتایی.

ئ. م