ھەسەدە لە سێ میحوەرەوە دەوری باغۆز دەدات
K24 - دێرەزوور
ئۆپەراسیۆنی هێزەکانی سووریای دیموکرات (ھەسەدە) بە پاڵپشتیی هاوپەیمانیی نێودەوڵەتی لە دژی چەکدارانی داعش لە باغۆز بەردەوامە و لە سێ میحوەر بەرەو باغۆز ھێرش دەكەن.
ئەكرەم ساڵح، پەیامنێری كوردستان24 لە نزیك سەنگەرەكانی شەڕ رایگەیاند: "شەڕڤانانی هەسەدە توانیویانە لە ماوەی 24 کاتژمێری رابردوودا پێشڕەویی باش بكەن".
شەڕڤانێکی هەسەدە، بە كوردستان24ی گوت: "داعش لە رووی چەك و تەقەمەنییەوە لاواز بووە، لە داھاتووێكی نزیكدا لە باغۆز كۆتایی بە داعش دێنین".
شەڕڤانێكی دیكەی ھەسەدە ئاماژە بەوە دەكات: "لە كەمپی باغۆز چەندین تونێلی داعش ھەن، شەڕ بەردەوامە و چەندین لاشەی چەكدارانی داعش لە دەستی ئێمەدان، شەڕڤانێكی ئێمەش شەھید بوو".
ھ.م