كۆبوونه‌وه‌ی په‌رله‌مان بۆ هه‌مواری یاسای سه‌رۆكایه‌تی دواخرا
ناكۆكی له‌سه‌ر ژماره‌ی جێگرانی سه‌رۆكی هه‌رێم هه‌یه
K24 - هه‌ولێر:
بڕیار بوو كاتژمێر2ی ئه‌مڕۆ چوارشه‌ممه، په‌رله‌مانی كوردستان، خوێندنه‌وه‌ی سێیه‌م بۆ هه‌مواری یاسای سه‌رۆكایه‌تیی هه‌رێم بكات و په‌سه‌ندی بكات، به‌ڵام كۆبوونه‌وه‌كه بۆ كاتێكی نادیار دواخرا.
به گوێره‌ی زانیارییه‌كانیش، هۆكاری دواخستنه‌كه‌ی، ناكۆكیی نێوان یه‌كێتیی نیشتمانیی كوردستان و بزووتنه‌وه‌ی گۆڕانه، به‌و پێیه‌ی یه‌كێتی داوا ده‌كات سه‌رۆكی هه‌رێم دوو جێگری هه‌بێت، گۆڕانیش پێداگریی له‌سه‌ر ئه‌وه ده‌كات، سه‌رۆكی هه‌رێم یه‌ك جێگری هه‌بێت.
به گوێره‌ی رێككه‌وتنی نێوان پارتی و گۆڕانیش، جێگری سه‌رۆكی هه‌رێم به‌ر گۆڕان ده‌كه‌وێت، به‌ڵام یه‌كێتی داوا ده‌كات سه‌رۆكی هه‌رێم دوو جێگری هه‌بێت و یه‌كێكیان بۆ ئه‌و بێت.
به گوێره‌ی زانیارییه‌كانی په‌یامنێری كوردستان 24، له كۆبوونه‌وه‌ی ئه‌مڕۆی لێژنه‌ی یاسایی، داوایان له سه‌رۆكایه‌تیی په‌رله‌مان كردووه كۆبوونه‌وه‌كه 3 رۆژ دوا بخرێت، به‌ڵام ئێستا كۆبوونه‌وه‌كه بۆ كاتێكی نادیار دوا خراوه.
.jpg)
ئ. م