مه‌سرور بارزانی بۆ نێچیرڤان بارزانی: هەمیشە لە پاڵپشتی و هاوکاری بەردەوام دەبین
K24 - هه‌ولێر:
مه‌سرور بارزانی، پیرۆزبایی له نێچیرڤان بارزانی ده‌كات، به‌بۆنه‌ی سوێندخواردن و ده‌ستبه‌كاربوونی وه‌ك سه‌رۆكی هه‌رێمی كوردستان و پشتگیری و پشتیوانی خۆیشی بۆ دووپات ده‌كاته‌وه.
له به‌شێكی په‌یامه‌كه‌دا هاتووه: "ئومێد دەخوازم ئەم ئەرکە پیرۆزە بەباشترین شێوە بەڕێوەبەرێت و لە ژێر ڕابەرایەتی سەرۆک بارزانی بتوانین پێکەوە کوردستانێکی بەهێز بنیات بنێین".
ده‌قی په‌یامه‌كه:
"بەبۆنەی سوێند خواردنی بە سەرۆکی هەرێمی کوردستان
مەسرور بارزانی پیرۆزبایی لە نێچیرڤان بارزانی دەکات
بەبۆنەی دەست بەکاربوونی سەرۆکی هەرێمی کوردستان، پیرۆزباییەکی گەرم لەبرای بەڕێزم کاک نێچیرڤان بارزانی دەکەم و ئومێد دەخوازم ئەم ئەرکە پیرۆزە بەباشترین شێوە بەڕێوەبەرێت و لە ژێر ڕابەرایەتی سەرۆک بارزانی بتوانین پێکەوە کوردستانێکی بەهێز بنیات بنێین و لە خزمەت بەرژەوەندییە باڵاکانی گەل و نیشتمان، تواناکانمان یەکبخەین و بەرەوپێشەوە هەنگاو بنێین.
هیوام سەرکەوتنتانە و وەک هەمیشە لە پاڵپشتی و هاوکاری بەردەوام دەبین.
مەسرور بارزانی
١٠/٦/٢٠١٩"