هۆشداری لهبارهی ههڵكوتانه سهر پهرلهمانی عێراق دهدرێت
K24- بهغدا:
هاوپەیمانێتی سائیروون ئاشکرایدەکات، ئەگەر لایەنەکان نەگەنە رێککەوتن، ئەوا هاووڵاتییان هاوشێوەی پێشوو هەڵدەکوتنە سەر پەرلەمانی عێراق.
له لێدوانێكی میدیاییدا رامی سکینی، پەرلەمانتاری هاوپەیمانێتی سائیروون, كه لهلایهن موقتهدا سهدر، رێبهری رهوتی سهدرهوه سهركردایهتی دهكرێت، رایگەیاند، هەندێك کەس و لایەنی سیاسی تاوەکو ئێستاش ئاستەنگ بۆ تەواوکردنی کابینەی حکوومەت دروست دەکەن.
گوتیشی: دەستبەردارنەبوونی ئەو لایەنانە لە هەندێك پۆست, وادەکات هاووڵاتییان بچنەوە ناوچەی سەوز و هەڵبکوتنە سەر پەرلەمان.
ئهو پهرلهمانتارهی هاوپهیمانێتی سائیرون ئاماژەی بەوەشدا، لە چەند کاتژمێری داهاتوودا ئەگەر لایەنەکان لەسەر کاندیدەکان نەگەنە رێککەوتن، ئەوا هاووڵاتییان هەڵوێستیان دەبێت و هەڵدەکوتنە سەر پەرلەمان.
ماوەی 8 مانگە بههۆی ناكۆكی لایهنهكان، کاندیدی ھەریەك لە پۆسته وەزارییهكانی ناوخۆ، بەرگری، داد و پەروەردە یهكلایی نهكراونهتهوه.
بڕیاربوو دوێنێ پهرلهمانی عێراق دهنگ لهسهر تهواوكردنی پێكهاتهی حكوومهتهكهی عادل عهبدولمههدی بدات، بهڵام بههۆی رێكنهكهوتن و ناكۆكی لایهنهكان، له كارنامهی دانیشتنهكه لابرا.
ئهمهش لهكاتێكدایه، ههفتهی رابردوو موقتهدا سهدر، رێبهری رهوتی سهدر و هاوكات سهرۆكی هاوپهیمانی سائیرون له ئهنجوومهنی نوێنهرانی عێراق، مۆڵهتی تهنیا 10 رۆژی بۆ عادل عهبدولمههدی دیاریكردبوو، كه ئهگهر پهیكهری كابینهكهی له ماوهی دیاریكراودا تهواو نهكات و كاندید بۆ ئهو وهزارهتانه دهستنیشان نهكات، كه تا ئێستا پڕنهكراونهتهوه و ئهو وهزارهتانه به وهكالهت بهڕێوهدهبرێن، ئهوا وهك سهردهمی حهیدهر عهبادی شهقامی عێراق دهههژێنن.
H.B