شه‌پۆلێكی گه‌رمای 50 پله‌یی روو له‌ عێراق ده‌كات

له‌ سه‌ره‌تای هه‌فته‌ی داهاتووه‌وه‌ ده‌ستپێده‌كات

K24 - هه‌ولێر:

به‌ گوێره‌ی ده‌زگای كه‌شناسی عێراق، سه‌ره‌تای هه‌فته‌ی داهاتوو شه‌پۆلێكی گه‌رمای 50 پله‌یی روو له‌ ناوچه‌كه‌ ده‌كات، كه‌ باشووری عێراق، كوه‌یت و سعوودیه‌ش ده‌گرێته‌وه‌.

سادق عه‌تیه‌، شاره‌زای كه‌شوهه‌وا له‌ فڕۆكه‌خانه‌ی به‌سره‌ رایگه‌یاند، شه‌پۆله‌ گه‌رماكه‌ شه‌ممه‌ی داهاتوو ده‌ستپێده‌كات، كه‌ ده‌گاته‌ نزیك 50 پله‌، ناوچه‌كانی باشووری عێراق، كوه‌یت و سعوودیه‌ش ده‌گرێته‌وه.

ئاماژه‌ی به‌وه‌ش كردووه‌، ئه‌و شه‌پۆله‌ گه‌رمایه‌ ماوه‌ی سێ رۆژ ده‌خایه‌نێت و دواتر پله‌كانی گه‌رما داده‌به‌زن.

هه‌رچی ناوچه‌كانی دیكه‌ی عێراقه‌، وه‌كو شاره‌كانی ناوه‌ڕاست، به‌تایبه‌تیش به‌غدا پله‌ی گه‌رمی ده‌گاته‌ 43 پله‌، مووسڵ 40 پله‌ و ناوچه‌كانی باشووری عێراقیش، له‌ 47 پله‌ ده‌بێت.

به‌ گوێره‌ی به‌ڕێوه‌به‌رایه‌تی كه‌شناسی و بوومه‌له‌رزه‌زانی هه‌رێمی كوردستان، ئه‌مڕۆ و سبه‌ی له‌ هه‌رێمی كوردستان، پله‌كانی گه‌رما له‌ 39 پله‌ تێپه‌ڕ ناكات.

ئ. م