منداڵێكی 7 مانگە بەھۆی تەزووی كارەبا لە سنووری ھەڵەبجە گیانی لەدەستدا
K24 - ھەڵەبجە
لە ناحیەی سیروان-ی سەر بە پارێزگای ھەڵەبجە منداڵێكی تەمەن 7 مانگ بەھۆی تەزووی كارەبا گیانی لەدەستدا.
رائید بەرزان عوسمان، وتەبێژی بەڕێوەبەرایەتی پارێزگای پۆلیسی هەڵەبجە لە راگەیەندراوێكدا ئاشكرای كرد: "لە ناحیەی سیروان منداڵیکی تەمەن 7 مانگ بەناوی (د .ب .ح) بەهۆی بەرکەوتنی تەزووی کارەباوە گیانی لەدەستدا، تەرمی منداڵەکە رەوانەی پزیشکی دادی پارێزگای هەڵەبجە کرا".
وتەبێژی بەڕێوەبەرایەتی پارێزگای پۆلیسی هەڵەبجە راشیگەیاند: "پەڕاوی لێکۆڵینەوە لە بنکەی پۆلیسی سیروان بۆ رووداوەكە رێکخراوە".
ھ.م