تاكسییه‌ك كه‌وته‌ ناو ده‌ریاچه‌ی ده‌ربه‌ندیخان و به‌هۆیه‌وه‌ دایك و كوڕێك خنكان

K24 - ده‌ربه‌ندیخان:

ئۆتۆمبێلێكی تاكسی، كه‌وته‌ ناو ده‌ریاچه‌ی ده‌ربه‌ندیخان و له‌ ئاكامدا دایك و كوڕێك خنكان و ته‌رمه‌كانیشیان له‌ناو ده‌ریاچه‌كه‌ هێنرایه‌ ده‌ره‌وه‌.

رێژەن بورهان بەڕێوەبەری پۆلیسی هاتووچۆی دەربەندیخان، راگەیاند، ئەمڕۆ 11ی 8/2019، یەکەم رۆژی جەژنی قوربان، لە رێگای شەمێران، نزیك ناوچەی گەشتیاری (بان قۆین) تاکسییەك کۆنترۆڵی لەدەستدا و کەوتە ناو دەریاچەی دەربەندیخانەوە.

رێژه‌ن بورهان راشگه‌یاند، ته‌رمی هه‌ردوو سه‌رنشینه‌كه‌، بە خنکاوی ده‌رهێنراون، كه‌ دایك و كوڕێك بوون.

به‌ گوێره‌ی زانیارییه‌كانی كوردستان 24، ئه‌و دایك و كوڕه‌ بۆ چاره‌سه‌ری سرووشتی و مه‌له‌وانی رۆژانه‌ چوونه‌ته‌ شوێنه‌كه‌، كه‌ پزیشك چاره‌سه‌ری سرووشتی و وه‌رزشی مه‌له‌وانی بۆ دایكه‌كه‌ نووسیوه‌.

ئاماژه‌ی به‌وه‌شكرد، ئێستاش تیمەکانی غەواس له‌ ئه‌گه‌ری بوونی سه‌رنشینانی دیكه‌ی تاكسییه‌كه‌، له‌ناو ده‌ریاچه‌كه‌ ده‌گه‌ڕێن.

وتیشی: "پۆلیس و پۆلیسی هاتوچۆ و بەرگری شارستانی سەرقاڵی دەرهێنانی ئۆتۆمبێلەکەن لەنێو دەریاچەکەدا".

ئ. م