ئه‌ردۆغان: رێگه‌ به‌ دواخستنی رێككه‌وتنی "ناوچه‌ی ئارام" ناده‌ین

هه‌موو هێز و سه‌ربازه‌كانمان له‌سه‌ر سنوورن

K24 – هه‌ولێر:

سه‌رۆكی توركیا، ره‌جه‌ب ته‌یب ئه‌ردۆغان رایگه‌یاند، رێككه‌وتنی توركیا و ئه‌مه‌ریكا له‌ باره‌ی ناوچه‌ی ئارام، جووڵه‌یه‌كی درووسته‌ و رێگه‌ به‌ دواخستنی ئه‌و رێككه‌وتنه‌ ناده‌ین.

كه‌ناڵی سی ئێن ئین تورك، له‌ زاری سه‌رۆكی توركیا بڵاویكرده‌وه‌، ئه‌ردۆغان له‌ كاتی گه‌ڕانه‌وه‌ له‌ رووسیاوه‌ بۆ وڵاته‌كه‌ی، گوتی: توركیا رێگه‌ بە دواخستنی رێككه‌وتنی ناوچه‌ی ئارام نادات و پێویسته‌ چه‌كدارانی یه‌په‌گه‌ له‌ ناوچه‌كه‌ و شاری منبج پاشه‌كشێ بكه‌ن.

هه‌روه‌ها گوتی: هه‌موو هێز و سه‌ربازه‌كانمان له‌سه‌ر سنوورن و ده‌توانن له‌ هه‌ر كاتێك بێت، هه‌رچی بیانه‌وێت بیكه‌ن.

سه‌رچاوه‌: رۆیته‌رز

ئ.ر