له‌ شنگال ژنێك كوژرا

له‌سه‌ر جێگه‌ی خه‌وتنی سه‌رله‌به‌یانی ئه‌مڕۆ كوژراوه‌

K24 – شنگال:

له‌ گوندێكی سه‌ر به‌ ناحیه‌ی سنوونێی قه‌زای شنگال، ژنێكی ته‌مه‌ن 55 ساڵ به‌ ده‌مانچه‌ی بێده‌نگ كوژرا.

په‌یامنێری كوردستان24، له‌ شنگال رایگه‌یاند، رووداوه‌كه‌ كاتژمێر 8:30ی سه‌رله‌به‌یانی ئه‌مڕۆ له‌ گوندی گوهبه‌لی سه‌ر به‌ ناحیه‌ی سنوونێی قه‌زای شنگال روویداوه‌.

گوتیشی: ژنه‌كه‌ ناوی سێڤی خولێدایه‌ و تائێستا بكوژه‌كه‌ی ده‌ستگیر نه‌كراوه‌.

سه‌رچاوه‌یه‌ك له‌ پۆلیسی شنگال هه‌واڵه‌كه‌ی پشتڕاستكرده‌وه‌ و رایگه‌یاند، به‌ گوێره‌ی گوته‌ی كه‌سوكاره‌كه‌ی، سێڤێ له‌ حه‌وشه‌ی ماڵی خۆیان به‌ ده‌مانچه‌ی بێده‌نگ كوژراوه‌.

كوڕی ئه‌و ژنه‌ قسه‌ی بۆ پۆلیس كردووه‌ و رایگه‌یاندووه‌، هاوسه‌ره‌كه‌ی پێی راگه‌یاندووه‌، كه‌ دایكی له‌ حه‌وشه‌ی ماڵه‌كه‌یان كوژراوه‌.

پۆلیس په‌ڕاوی بۆ رووداوه‌كه‌ كردووه‌ته‌وه‌ و لێكۆڵینه‌وه‌ ده‌ستیپێكردووه‌.

سێڤێ خولێدا، ماوه‌ی نزیكه‌ی ساڵێكه‌ گه‌ڕاوه‌ته‌وه‌ بۆ گونده‌كه‌یان و له‌وێ ژیانی به‌سه‌ر بردووه‌.