ئاواره‌كانی شنگال په‌نا بۆ كڕینی خانوو و زه‌وی له‌ دهۆك ده‌به‌ن

ئومێدیان به‌ گه‌ڕانه‌وه‌ بۆ ناوچه‌كانیان نه‌ماوه‌
kurdistan24.net

K24- دهۆك:

به‌هۆی ئه‌و ناسه‌قامگیریه‌ی كه‌ ماوه‌ی 5 ساڵه‌ له‌ ناوچه‌ی شنگال و ده‌وروبه‌ری له‌ئارادایه‌، ئاواره‌كانی شنگال له‌ گه‌ڕانه‌وه‌یان بۆ ناوچه‌كانیان بێئومێد بوونه‌ و په‌نایان بۆ كڕینی زه‌وی له‌و ناوچانه‌ بردووه‌، دوای ئاواره‌بوونیان لێ نیشته‌جێبوون، به‌ تایبه‌ت له‌و گوند و كۆمه‌ڵگایانه‌ كه‌ ئێزیدینشینن و ئێستا به‌ سه‌دان پارچه‌ زه‌وی و خانوویان له‌و ئاواییانه‌ كڕیوه‌.

خالد عه‌بدو، خاوه‌ن نووسینگه‌ی كڕین و فرۆشتنی خانوو و زه‌ویش ده‌ڵێت: ئه‌گه‌ر ئاواره‌كانی شنگال نه‌بوونایه‌، بازاڕی كڕین و فرۆشتنی زه‌وی و زار زۆر لاواز ده‌بوو، چونكه‌ زۆربه‌ی كڕیارانی خانو و زه‌وی خه‌ڵكی شنگالن.

له‌ ماوه‌ی 5 ساڵی رابردوودا ژماره‌یه‌كی زۆری هاووڵاتیانی ئێزیدی له‌و ناوچانه‌وه‌ روویان له‌ وڵاتانی ئه‌وروپا كرد، كه‌ ناوچه‌كانیان نه‌كه‌وته‌ به‌ر شاڵاوی داعش و ماڵ و حاڵی خۆیان جێهێشت و خانوو و زه‌وییه‌كانیان به‌ خه‌ڵكی شنگال فرۆشت، له‌ به‌رامبه‌ریشدا خه‌ڵكی شنگال ماڵ و موڵكیان له‌ ناوچه‌كه‌یان هه‌رزانفرۆش كرد، بۆ ئه‌وه‌ی له‌ ناوچه‌ ئارامه‌كانی پارێزگای دهۆك نیشته‌جێ ببن، بۆیه‌ ئێستا زۆربه‌ی دانیشتوانی كۆمه‌ڵگاكانی ئێزیدینشینی وه‌ك شاریا و باعه‌درێ خه‌ڵكی شنگالن.

H.B