سوپای توركیا: له خواكوڕك 9 چهكداری پهكهكه كوژراون
K24 – ههولێر:
وهزارهتی بهرگری توركیا، رایگهیاند، هێزه چهكدارهكانی به ههماههنگی لهگهڵ دهزگای ههواڵگری توانیویانه له ناوچه سنوورییهكانی "باكووری عێراق" 9 چهكداری پهكهكه بكوژن.
له بهیاننامهیهكدا، وهزارهتی بهرگری توركیا راشیگهیاند، ئهو چهكدارانه له ئاكامی بۆردومانی فڕۆكه جهنگییهكانی توركیا بۆ سهر خواكوڕك و حهفتانین له "باكووری عێراق" (ههرێمی كوردستان) كوژراوون.
سوپای توركیا له سهرهتای ئهمساڵهوه به شێوهیهكی نیمچه رۆژانه بۆردومانی پێگه و بارهگاكانی پارتی كرێكارانی كوردستان(پهكهكه) له ناوچه سنوورییهكانی ههرێمی كوردستان و هاوسنووری توركیا دهكات.
سهرچاوه: ئهنادۆڵ