ئاستی بەرھەمھێنانی داناگاز لە ھەرێمی كوردستان بەرز بووەتەوە
K24 - ھەولێر
لە ماوەی 9 مانگی سەرەتایی ئەمساڵ ئاستی بەرھەمھێنانی كۆمپانیای داناگاز لە ھەرێمی كوردستان بەرزبووەتەوە.
بەگوێرەی بەیاننامەیەكی كۆمپانیای داناگاز، ئاستی بەرھەمھێنانی لە ھەرێمی كوردستان لە 9 مانگدا بەرێژەی 23% بەرزبووەنەوەی تۆماركردووە لەسەر بنەمای ساڵانە، بەجۆرێك بەرھەمھێنانی كۆمپانیاكە گەیشتووەتە 31 ھەزار و 800 بەرمیل نەوتی رۆژانه بە بەراورد بە ساڵی رابردوو.
ھاوكات بەگوێرەی ئامارەكانی كۆمپانیاكە، یەدەگی ھەردوو كێڵگەی خورمۆر و چەمچەماڵ بە تێكڕای ملیۆنێك و 87 ھەزار بەرمیل نەوت زیادەی تۆماركردووە و سەبارەت بە شایستە داراییەكان، بەھای شایستەی دارایی كۆمپانیاكە لە ھەرێمی كوردستان گەیشتووەتە 116 ملیۆن دۆلار.
كۆمپانیاكە راشیگەیاند، قازانجەكانی لە ماوەی 9 مانگی سەرەتای ئەمساڵ بەرێژەی 246% زیادیكردووە.
ھ.م