مین لە گەرمیان ھاووڵاتییەكی كوشت
K24 - گەرمیان
ئەمڕۆ ھاووڵاتییەكی دانیشتووی دەڤەری گەرمیان بەھۆی رووداوی تەقینەوەی مین گیانی لەدەستدا.
دەزگای گشتی كاروباری مین لە گەرمیان ئاشكرای كرد: "سەر لە بەیانی ئەمڕۆ 16/11/2019، هاووڵاتییەك بە ناوی سەفەر یوسف محەمەد لە دایکبووی 1987 بە رووداوی مین لە ناوچەیەکی مینڕێژکراوی سەر شاخی بەمۆ گیانی لەدەستدا".
لەو راگەیەندراوە ئاماژە بەوەشكراوە: "ناوبراو دانیشتووی گوندی شاوازیی سەر بە ناحیەی مەیدانە و کارمەندی بەرگری شارستانییە".