ژماره‌ی سه‌ربازان و بنكه سه‌ربازییه ئه‌مه‌ریكییه‌كان له رۆژهه‌ڵاتی ناوه‌ڕاست چه‌ندن؟
K24 - هه‌ولێر:
لەو کاتەی گرژيیەکان بەهۆی رووداوەکەی کوژرانی فەرماندەی سوپای قودسی ئیرانی زیاتر دەبن، بوونی سەربازیی ئەمریکیش لە رۆژهەڵاتی ناوەڕاست تۆکمەتر دەبێت.
ئەمریکا جگە لە بوونی زیاتر لە 82 هەزار سەرباز لە تەواوی رۆژهەڵاتی ناوەڕاست، پێدەچێت 14 هەزار سەربازی تر بێنێتە هەرێمەکە.
دوای هیرشەکەی سەر باڵیۆزخانەی ئەمریکا لە بەغدا، 750 سەربازی دیكه لە بەغداد جێگیر کردووە و كه‌مێك پێش ئێستاش، پنتاگۆن ره‌زامه‌ندی له‌سه‌ر ناردنی 3 هه‌زار سه‌ربازی دیكه بۆ رۆژهه‌ڵاتی ناوه‌ڕاست ده‌ربری.