زێدان له‌ یه‌كه‌م یاری جامی سووپه‌ری ئیسپانیا تووشی كێشه‌ بوو

كێشه‌ له‌ پێكهاته‌ی زێدان دروست ده‌بێت

ماڵپەری فەرمی یانەی ریال مەدریدی ئیسپانیا لیستی ناوی ئەو یاریزانانەی بڵاوکردەوە کە بۆ یارییەکانی جامی سوپەری وڵاتەکەیان بانگهێشتکراون و لە لیستەکەدا ناوی بێنزێما و گاریس بەیل بوونی نییە، به‌هۆكاری پێكان دوورخراونه‌ته‌وه‌.

بریارە بۆ یەکەمجار بە شێوازێکی نوێ و بە بەشداری چوار یانە، جامی سووپەری ئیسپانیا لە سعوودیه‌ بەرێوەبچێت و یارییەکانیش چوارشەممەی داهاتوو دەست پێدەکەن و ریال مەدرید لە یەکەم یاری قۆناخی پێشکۆتایی، رووبەرووی ڤالێنسیا دەبێتەوە.

له‌ لایه‌كی دیكه‌یشه‌وه‌، رۆژی پێنجشه‌ممه‌ی داهاتوو له‌ یارییه‌كی دیكه‌ی جامی سووپه‌ری ئیسپانیا، بارسێلۆنا و ئاتڵێتیكۆ مه‌درید له‌ كاتژمێر 10:00ـی شه‌و یاریگه‌ی شا عه‌بدوڵڵا له‌ سعوودییه‌ به‌یه‌ك ده‌گه‌ن.