كۆریای باشوور به 300 هه‌زار دۆلار هاوكاری پێشكه‌شی ئاواره‌كان ده‌كات
K24 - هه‌ولێر:
رێبه‌ر ئه‌حمه‌د، وه‌زیری ناوخۆی حكوومه‌تی هه‌رێمی كوردستان رایده‌گه‌یه‌نێت، كۆریای باشوور له رێگه‌ی نوێنه‌رایه‌تییه‌كه‌یانه‌وه له هه‌ولێر، به بڕی 300 هه‌زار دۆلار هاوكاریی مرۆیی پێشكه‌ش به ئاواره و په‌نابه‌ران ده‌كات.
رێبه‌ر ئه‌حمه‌د، له هه‌ژماری تایبه‌تی خۆی له تۆڕی كۆمه‌ڵایه‌تیی تویته‌ر بڵاوی كردووه‌ته‌وه، له‌گه‌ڵ "چۆی كوانگ جین"، كۆنسوڵی كۆریای باشوور له هه‌رێمی كوردستان پرۆتۆكۆلێكی تایبه‌ت به‌و هاوكارییه‌یان واژۆ كرد.
وه‌ك وه‌زیری ناوخۆ ئاماژه‌ی بۆ كردووه، به گوێره‌ی پرۆتۆكۆله‌كه، كۆریای باشوور به بڕی 300 هه‌زار دۆلار هاوكاری ئاواره و په‌نابه‌ران ده‌كات كه له هه‌رێمی كوردستانن و به‌شێك له‌و هاوكارییه مرۆییانه‌ش، كه‌لوپه‌لی زستانه ده‌بن.
I was joined today by Mr. CHOI, Consul General of Korea to sign a protocol on humanitarian assistance donations by the Korean government. This is an in-kind donation that includes winterized items worth of $300k for IDPs and refugees in the #Kurdistan region. Thank you #Korea. pic.twitter.com/A1m8uqxDd0
— Rêber Ahmed (@RayberAhmed) January 20, 2020