شلەمبرگر: عێراق لە گەشەكردنی داھاتی ساڵانەمان رۆڵی بەرچاوی ھەبووە

K24 - ھەولێر

كۆمپانیایەكی ئەمریكی تایبەت بە نەوت ئاماژە بەوە دەدات، كە عێراق لە گەشەكردنی داھاتی ساڵانەیان رۆڵێكی گرنگی ھەبووە.

ماڵپەڕی عێراق بزنس نیوز، لە زاری كۆمپانیای شلەمبرگر-ی نەوتی تایبەت بە ئەمەریكا گواستویەتەوە، كە عێراق توانیویەتی بە شێوەیەكی بەرچاو داھاتی ساڵانەی نەوتی كۆمپانیاكە لەو ناوچەیە گەشە پێ بدات.

كۆمپانیاكە راشیگەیاندووە، لە كۆتاییەكانی ساڵی 2019 داھاتیان بە رێژەی %5  زیادی كردووە، ئەویش لە ئەنجامی فرۆشی بەرھەمەكانیان لە كوێت، عێراق و عەمان.

كۆمپانیای شلەمبرگر، بە گەورەترین كۆمپانیا دادەنرێت لە جیھاندا كە لە بواری خزمەتگوزاریی كێڵگە نەوتییەكان كار دەكات و چالاكیی لە نزیكەی 85 وڵات ھەیە و زیاتر لە 100 ھەزار كەس بە 140 رەگەزنامە تیایدا كار دەكەن.

ھ.م