ژمارەی قوربانیانی بوومەلەرزەکەی باکووری کوردستان بەرزبووەوە
K24 - ھەولێر
ژمارەی قوربانیانی بوومەلەرزەکەی باکووری کوردستان بۆ 31 کەس بەرزبووەوە.
دامەزراوەی کارەسات و بەهاناوەچوون لە تورکیا (ئافاد) رایگەیاند، ژمارەی قوربانیانی بوومەلەرزەکەی باکووری کوردستان بەرزبووەتەوە و 31 کەس گیانیان لەدەستداوە و هەزار و 556 کەسی دیکەش برینداربوون.
دامەزراوەکە ئاشکراشی کردووە، کە 640 بوومەلەرزەی دیکە دوای بوومەلەرزەکەی ئێوارەی رۆژی هەینی تۆمارکراوەن و بوومەرلەزەکە 76 باڵەخانەی رووخاندووە و زیانیشی بە 645 باڵەخانەی دیکە گەیاندووە.
ئێوارەی رۆژی هەینی 24/1/2020، بوومەلەرزەیەک بە گوڕی 6.8 بە پلەی رێختەر چەند ناوچەیەکی باکووری کوردستان هەژاند و تا ئێستاش تیمەکانی فریاگوزاری لە شاری خارپێت بەدوای قوربانیانی سێ باڵەخانەی رووخاودا دەگەڕێن.
ھ.م