ئیسرائیل چەند ئەفسەر و سەربازێکی ئێرانی کوشت

لە ھێرشێكی مووشەكی ئیسرائیل، چوار ئەفسەری ئێرانی و سێ سەربازی سووری كوژران.

ئاژانسی سانای فەرمی حكوومەتی سووریا بڵاویكردووەتەوە، سیستمی بەرگری سووریا رووبەرووی ھێرشێكی مووشەكی ئیسرائیل بوونەتەوە بۆ سەر وڵاتەكەیان و ژمارەیەك مووشەكیان تێكشكاندووە.

ئاماژە بەوەش كراوە، ھێرشەكە درەنگانی شەوی رابردوو لە بەرزاییەكانی جۆلان ئەنجامدراوە.

لای خۆیەوە روانگەی سووریا بۆ مافەكانی مرۆڤ ئاشکرایکردووە، ھێرشەكە لە ناوچەی نێوان فڕۆكەخانەی دیمەشق و ناوچەی ست زێنەب ئەنجامدراوە كە ھێزەكانی ئێرانی لێ دەمێننەوە و بەهۆیەوە چوار ئەفسەری ئێرانی و سێ سەرباز کوژراون.

Times of Israel

H.J