پەرلەمانی ئەوروپا داوای ئازاد كردنی دەمیرتاش دەكات
K24 - ھەولێر
پەرلەمانی ئەوروپا داوای ئازادكردنی سەڵاحەدین دەمیرتاش و عوسمان كاڤالا دەكات.
كۆمیتەی كاروباری دەرەوەی پەرلەمانی ئەوروپا داوا لە حكومەتی توركیا دەكات، بەربەستەكانی بەردەم دادپەروەری ھەڵبگرێت و سەڵاحەدین دەمیرتاش، ھاوسەرۆكی پێشووی ھەدەپە و عوسمان كاڤالا، چالاكوانی مەدەنی ئازاد بكات.
ئاماژە بەوەش دەكات، لە سەردانیاندا بۆ ئەنقەرە لەگەڵ وەزیرانی دەرەوە و ناوخۆ و لیژنەی مافەكانی مرۆڤی پەرلەمان و سەرۆكی جەھەپە و شارەوانی لەكار دوور خراوەی مێردین كۆبوونەوەیان كردووە و پرسی دانانی قەیومەكان و بەربەستەكانی بەردەم دادپەروەری و ئازادی رۆژنامەوانییان تاوتوێ كردووە.