ژاپۆن باری له‌ ناكاوی له‌ دوورگه‌یه‌كدا راگه‌یاند

به‌ هۆی كۆرۆناوه‌

K24 – هه‌ولێر:

حكومه‌تی ژاپۆن، ئه‌مڕۆ هه‌ینی باری له‌ ناكاویان له‌ دوورگه‌ی "هۆكایدۆ" راگه‌یاند.

ده‌سه‌ڵاتدارانی دوورگه‌كه‌ داوایان له‌ هاووڵاتیان كردووه‌، له‌ رۆژانی داهاتوودا له‌ ماڵی خۆیاندا بمێننه‌وه‌ و نه‌یه‌نه‌ ده‌ره‌وه‌.

ناومیچی سۆزۆكی، فه‌رمانڕه‌وای هه‌رێمه‌كه‌ رایگه‌یاند، بۆ به‌ره‌نگاربوونه‌وه‌ی مه‌ترسی بڵاوبوونه‌وه‌ی كۆرۆنا رێكاره‌ ته‌ندروستییه‌كان توندتر كراوون.

وتیشی: داوا له‌ هاووڵاتیان ده‌كه‌ین له‌ ماڵی خۆیاندا بمێننه‌وه‌ و نه‌یه‌نه‌ ده‌ره‌وه‌.

له‌ دوورگه‌ی "هۆكایدۆ" (66) حاڵه‌تی تووشبوو به‌ كۆرۆنا تۆمار كراوون.

ژماره‌ی تووشبووان له‌ ژاپۆن گه‌یشتووه‌ته‌ (900) كه‌س. (700) كه‌سیان له‌ سه‌رنشینانی كه‌شتی گه‌شتیاری " Diamond Princess" بوون.