روونکردنەوەیەك لە تەندروستی ھەڵەبجەوە
K24 - ھەڵەبجە
بەڕێوەبەرایەتی تەندروستی ھەڵەبجە ئەو دەنگۆیانە رەتدەکاتەوە، کە حاڵەتی ڤایرۆسی کۆرۆنا لەهەڵەبجەدا تۆمارکرابێت. رایدەگەیەنێت، رێکاری یاسایی دەگرینەبەر.
لە راگەیەندراوێكدا بەڕێوبەرایەتی گشتی تەندروستی هەڵەبجە رایگەیاند: "هەرکەس و لایەنێک و کەناڵێکی راگەیاند و پەیج و ئەکاونتی سۆشیال میدیا هەرهەواڵێکی بێ بنەماو ناڕاست بڵاو بکاتەوە کەببێتە هۆی تێکچوونی باری هێمنی و ئاسایشی تەندروستی پارێزگاکەمان دوچاری لێپرسینەوەی یاسایی دەبێت لەڕێگەی داواکاری گشتی و هێزە ئەمینەکانەوە".