سوپای سووریا ژماره‌یه‌ك ناوچه‌ی دیكه‌ی كۆنترۆڵ كرده‌وه
K24 – هه‌ولێر:
سه‌رچاوه‌یه‌كی سه‌ربازی سووریا رایگه‌یاند، سوپای سووریا ژماره‌یه‌ك گوند و ئاوایی دیكه‌ی ده‌وروبه‌ری شاری سه‌راقبی له باكووری خۆرئاوای سووریا كۆنترۆڵ كرده‌وه.
ئه‌و سه‌رچاوه‌یه له لێدوانیدا بۆ كه‌ناڵی (RT) راشیگه‌یاند، ژماره‌یه‌ك چه‌كداری گرووپه به‌رهه‌ڵستكاره‌كانی لایه‌نگری توركیا هێرشیان كردووه‌ته سه‌ر یه‌كه‌كانی سوپای سووریا له ناوچه‌ی ته‌لبیسه‌ی ده‌وروبه‌ری باكووری حمس.
ئاژانسی هه‌واڵده‌ری سانای سووریا بڵاویكرده‌وه، یه‌كه‌كانی سوپا به‌رپه‌رچی هێرشێكی میلیشیاكانی سه‌ر به توركیایان داوه‌ته‌وه و ناچاریان كردوون پاشه‌كشێ بكه‌ن.