راگەیەنراوێك لە هاتوچۆی هەولێرەوە
K24- هەولێر:
لە راگەیەندراوێكدا بەڕێوەبەرایەتی هاتوچۆی هەولێر دەستبەسەرداگرتنی ژمارەیەك ئۆتۆمبێل و سەندنەوەی دەیان بەڵگەنامە لە خاوەن ئۆتۆمبێلەكان، بەهۆی ئەو قەدەغە هاتوچۆیە راگەیاند، كە لە چوارچێوەی رێكارەكانی رێگریكردن لە بڵاوبوونەوەی كۆرۆنا راگەیەندراوە.
دەقی راگەیەندراوی هاتوچۆی هەولێر:
بەهۆی شکاندنی قەدەغەی هاتوچۆ لەلایەن هەندێك شوفێرەوە، ئەمشەو مەفرەزە هاوبەشەکانی هاتووچۆ و ئاسایش و زێرەڤانی و پۆلیسی هەولێر بە دەستخۆشیەوە دەستیان گرت بەسەر 35 ئوتومبێل و هەروەها بەڵگەنامەکانیش لە خاوەن 140 ئوتومبێل وەرگیرا.
ئوتومبێلە دەست بەسەر داگیراوەکانیش خرانە گەراجی دەست بەسەر داگرتنی هاتوچۆی هەولێر بە بڕیاری بەڕێز پارێزگار کە سەرۆکایەتی ژووری ئۆپەراسیۆنەکان دەكات.
بۆیە داوا و تکا لە هەموو لایەك دەکەین، بۆ سەلامەتی خۆیان و خۆشەویستانیان و هەروەها بۆ تووشنەبوون بە سزا، پابەندی قەدەغەی هاتوچۆ بن.
بەهیوای سەلامەتی بۆ هەموو لایەك
بەڕێوەبەرایەتی هاتوچۆی هەولێر
2020/3/16
H.B