ئه‌مه‌ریكا: ده‌بێت چین به‌رپرسیارێتی له ئه‌ستۆ بگرێت
K24 – هه‌ولێر:
وه‌زاره‌تی ده‌ره‌وه‌ی ئه‌مه‌ریكا، ره‌خنه‌ی له چین گرت و رایگه‌یاند، پێویسته چین به‌رپرسیارێتی تایبه‌ت له هه‌مبه‌ر بڵاوبوونه‌وه‌ی كۆرۆنا له جیهان بگرێته ئه‌ستۆ و ئه‌ركییه‌تی هاوكاری وڵاتانی دیكه بكات.
وه‌زاره‌ته‌كه راشیگه‌یاند، ده‌بێت چین به‌رپرسیارێتی شاردنه‌وه‌ی زانیاری سه‌باره‌ت به سه‌رهه‌ڵدانی ڤایرۆسی كۆرۆنا له شاری وهان بگرێته ئه‌ستۆ.
جه‌یمس ریچاردسۆن، به‌ڕێوبه‌ری كارگێڕی سه‌رچاوه‌كان له وه‌زاره‌تی ده‌ره‌وه‌ی ئه‌مه‌ریكا له‌و باره‌یه‌وه گوتی: به ساده‌یی بڵێین، ده‌بێت حزبی شیوعی چین به‌رپرسیارێتی بگرێته ئه‌ستۆ و به بێ هیچ مه‌رجێك یارمه‌تی وڵاتانی جیهان بدات.