ئاماری مردن بەهۆی كۆرۆنا لە توركیا روو لە هەڵكشانە
K24- هەولێر:
فەخرەدین قوجە، وەزیری تەندروستی توركیا ئاماری 24 كاتژمێری رابردووی كۆرۆنای لە وڵاتەكەی راگەیاند و دووپاتیكردەوە، 76 كەسی دیكە بەهۆی پەتاكەوە گیانیان لەدەستدا، بەمەش كۆی ژمارەی ئەوانەی تا ئێستا بەهۆی پەتاكەوە لەو وڵاتە گیانیان لەدەستداوە، ژمارەی بوو بە 725 كەس.
هەروەها گوتی: لە ماوەی شەو و رۆژێكدا 3 هەزار و 892 حاڵەتی نوێی تووشبوون بە ڤایرۆسی كۆرۆنا لە وڵاتەكەی تۆماركراون.
ئاشكراشی كرد، لە سەرەتای بڵاوبوونەوەی كۆرۆنا لە وڵاتەكەی، تا ئێستا 34 هەزار و 109 حاڵەتی تووشبوون تۆماركراون.
ئەمە لەكاتێكدایە، پێشتریش هەر ئەمڕۆ دەسەڵاتدارانی توركیا قەدەغەی هاتوچۆیان بۆ خوار تەمەن 20 ساڵی و سەرووی تەمەن 65 ساڵی راگەیاند.
H.B