مستەفا سەلیمی لەسێدارە درا
K24 – هه‌ولێر:
ماڵپەڕی هەنگاو بڵاویکردەوە، مستەفا سەلیمی، بەندکراوی سیاسی کورد حوكمی لەسێدارەدانی بەسەردا سەپا، ئەمەش دوای ئەوەی لە بەندیخانە هەڵات و دەستگیر کرایەوە.
ئەو زیندانییە لەگەڵ 70 زیندانیی تر لە سەقز، لە بەندیخانە هەڵاتن و دواتر لە سنووری قەزای پێنجوێن دەستگیر کرا و رادەستی ئێران کرایەوە.
مستەفا سەلیم بە تۆمەتی "دژایەتیی خوا" و ئەندام لە پارتە سیاسییە کوردییەکانی رۆژهەڵاتی کوردستان سزای لەسێدارەدانی بەسەردا سەپابوو.
پێشتر ئەو زیندانییە سیاسییە کوردە، چەند جار مانی لە خواردن گرتبوو و سزاکەی بە نادادپەروەرانە لە قەڵەم دەدا.