باج دەخرێتە سەر سەوزە و میوەی هاوردەکراوە
K24 - ھەولێر
بۆ پاراستنی بەرهەمی ناوخۆ و پاڵپشتی کردنی جووتیاران، حکوومەتی هەرێمی کوردستان باجی گومرگی دەخاتە سەر بەرهەمە کشتوکاڵییە هاوردەکراوەکان.
بە گوێرەی نووسراوێکی وەزارەتی کشتوکاڵ و سەرچاوەكانی ئاو، کە ئاراستەی بەڕێوەبەرایەتی گشتی گومرگ کراوە، تیادا داوا دەكات باجی زیاتر بخرێتە سەر سەوزە و میوەی هاوردەکراوی وڵاتان.
ئامانجی وەزارەتی کشتوکاڵ لەو بڕیارە پشتیوانی و پاڵپشتیکردنی جووتیارانە لە وەرزی پێگەیشتنی بەرهەمەکانیان، بۆ ئەوەی بتوانن بەرهەمەکانیان بە نرخێکی گونجاو ساغ بکەنەوە و قازانجی بکەن، هەروەها جێبەجێکردنی ئەو بڕیارە ببێتە هاندەرێک بۆ بوژاندنەوەی بەرهەمی ناوخۆ.
ئەمە لە کاتێکدایە، هەمەجۆر کردنی سەرچاوەکانی داهات بە پەرپێدان و پاڵپشی کردنی کەرتی کشتوکاڵ، یەکێکە له ئامانجە سەرەکییەکانیانی کارنامەی حکوومەتی هەرێمی کوردستان