سوپای ئیسرائیل: لە باکووری غەززە سەربازێک کوژرا و سەربازێکی دیکەش بە سەختی بریندار بوو
سوپای ئیسرائیل ئەمڕۆ سێشەممە ڕایگەیاند، لە شەڕەکانی باکووری کەرتی غەززە سەربازێک کوژراوە و سەربازێکی دیکەش بە سەختی بریندار بووە.
لەلایەکی دیکەوە ماڵپەری ینیت عیبری بڵاوی کردەوە، سوپای ئیسرائیل ڕایگەیاند، عەریف نەوعم ئیسرائیل عەبدۆ، تەمەن 20 ساڵ خەڵکی مەکدیمە زۆران، لە شەڕێکدا لە باکووری کەرتی غەززە کوژراوە.
ماڵپەڕەکە ئاماژەی بەوە کردووە، سەربازە کوژراوەکە شەڕکەری فەوجی 17 لە مەشقی ڕاداری لیوای بەساڵح بووە و سەربازی فەوجی 12 بووە.
لە لایەکی دیکەوە سوپای ئیسرائیل ڕایگەیاند، لە شەڕی باشووری لوبنان سەربازێک بە سەختی بریندار بووە.
بەم شێوەیە ژمارەی کوژراوانی سوپای ئیسرائیل، لە سەرەتای دەستپێکردنی هێرشی زەمینی لەناو کەرتی غەززە لە 27ی ئۆکتۆبەری 2023 ژمارەی کوژرا و برینداران کە ڕێگە دراوە پێیان ناویان بڵاو بکرێتەوە، بۆ 730 کەس بەرزبووەتەوە، لەوانە 347 کەسیان کوژراون
هەروەها بەپێی دوایین نوێکردنەوە لە ماڵپەڕی سوپای ئیسرائیل، ژمارەی قوربانیانی سوپا لە شەڕەکاندا بەرزبووەتەوە، بۆ 4590 بریندار، لەنێویاندا 695 بریندار لە دۆخێکی سەختدان.
ئەمەش لە کاتێکدایە کە شەڕی کەرتی غەززە ساڵی یەکەمی خۆی تەواو کردووە، هاوکات هێزەکانی ئیسرائیل بەردەوامن لە شەڕێکی وێرانکەر بۆ سەر لوبنان، گوند و شارۆچکەکانی باشوور و ڕۆژهەڵاتی ئەو وڵاتە. هەروەها گەڕەکی باشووری بەیروت بەتایبەتی، ئەو ناوچانەی کە بە قەڵا دادەنرێن بۆحزبوڵلا.
