عێراق و ئێران رێککەوتنیک لەبارەی کارەبا واژۆدەکەن.. بەغدا 400 ملیۆن دۆلاری دا
K24 - هەولێر
عێراق و ئێران رێککەوتنێکی دوو ساڵییان لەبارەی کارەبا واژۆکرد، بەپێی رێککەوتنەکە ئێران بۆ ماوەی دوو ساڵ کارەبا بۆ عێراق دابیندەکات.
رەزا ئەردەکانیان، وەزیری وزەی ئێران دوێنێ گەیشتە بەغدا و لەگەڵ وەزیری کارەبای عێراق کۆبووەوە، رایگەیاند "رێککەوتنێکمان لەگەڵ عێراق واژۆکرد، بۆ دابینکردنی کارەبا بۆ ئەو وڵاتە لە ساڵی 2020 و 2021".
وەزیری وزەی ئێران ئاشکرای کرد "بە هەماهەنگی لەگەڵ باڵیۆزخانەی ئێران لە عێراق، نیوەی پارەکە کە 400 ملیۆن دۆلار بوو، لەماوەی ئەو گەشتەمان درا".
مایک پۆمپێیۆ، وەزیری دەرەوەی ئەمریکا مانگی رابردوو ئاشکرای کرد، ئەمریکا بۆ ماوەی 120 رۆژ رێگە بە عێراق دەدات کارەبا لە ئێران بکڕێت، ئەمەش وەکو یارمەتییەکە بۆ ئەوەی حکومەتی نوێی عێراق سەرکەوتوو بێت و کارەکانی راپەڕێنێت.
ئەردەکانیان هەروەها رایگەیاند بەغدا و تاران پلانیکیان داڕشتووە و بەپێی پلانەکە، لەماوەی سێ ساڵدا کەرتی کارەبا لە عێراق لەلایەن کەرتی تایبەتی ئێرانەوە دەبووژێنرێتەوە.
بەگوتەی وەزیرە ئێرانییەکە "هەفتەی داهاتوو دوو شاندی هونەری و شارەزای ئێرانی سەردانی عێراق دەکەن بۆ ئەوەی دوو رێککەوتنی گرنگ واژۆبکەن، بۆ چاککردنەوەی تۆڕی کارەبا و چاککردنەوەی ئامێرەکانی کارەبا".
رێککەوتنەکە لەکاتێکدایە، دۆناڵد ترەمپ، سەرۆکی ئەمەریکا لە ساڵی 2018 لە رێککەوتنی ئەتۆمی لەگەڵ ئێران کشایەوە، کە ساڵی 2015 واژۆکرابوو و دووبارە سزاکانی بەسەر ئێران سەپاندەوە، بەو پێیەش وڵاتان ناتوانن وزە لە ئێران بکڕن، بەڵام بەهۆی دۆخی تایبەتی عێراق، ئەمەریکا بۆ ماوەیەکی کاتی رێگەی بە عێراق داوە وزە لە ئێران بکڕێت.
K24 - هەولێر
عێراق و ئێران رێککەوتنێکی دوو ساڵییان لەبارەی کارەبا واژۆکرد، بەپێی رێککەوتنەکە ئێران بۆ ماوەی دوو ساڵ کارەبا بۆ عێراق دابیندەکات.
رەزا ئەردەکانیان، وەزیری وزەی ئێران دوێنێ گەیشتە بەغدا و لەگەڵ وەزیری کارەبای عێراق کۆبووەوە، رایگەیاند "رێککەوتنێکمان لەگەڵ عێراق واژۆکرد، بۆ دابینکردنی کارەبا بۆ ئەو وڵاتە لە ساڵی 2020 و 2021".
وەزیری وزەی ئێران ئاشکرای کرد "بە هەماهەنگی لەگەڵ باڵیۆزخانەی ئێران لە عێراق، نیوەی پارەکە کە 400 ملیۆن دۆلار بوو، لەماوەی ئەو گەشتەمان درا".
مایک پۆمپێیۆ، وەزیری دەرەوەی ئەمریکا مانگی رابردوو ئاشکرای کرد، ئەمریکا بۆ ماوەی 120 رۆژ رێگە بە عێراق دەدات کارەبا لە ئێران بکڕێت، ئەمەش وەکو یارمەتییەکە بۆ ئەوەی حکومەتی نوێی عێراق سەرکەوتوو بێت و کارەکانی راپەڕێنێت.
ئەردەکانیان هەروەها رایگەیاند بەغدا و تاران پلانیکیان داڕشتووە و بەپێی پلانەکە، لەماوەی سێ ساڵدا کەرتی کارەبا لە عێراق لەلایەن کەرتی تایبەتی ئێرانەوە دەبووژێنرێتەوە.
بەگوتەی وەزیرە ئێرانییەکە "هەفتەی داهاتوو دوو شاندی هونەری و شارەزای ئێرانی سەردانی عێراق دەکەن بۆ ئەوەی دوو رێککەوتنی گرنگ واژۆبکەن، بۆ چاککردنەوەی تۆڕی کارەبا و چاککردنەوەی ئامێرەکانی کارەبا".
رێککەوتنەکە لەکاتێکدایە، دۆناڵد ترەمپ، سەرۆکی ئەمەریکا لە ساڵی 2018 لە رێککەوتنی ئەتۆمی لەگەڵ ئێران کشایەوە، کە ساڵی 2015 واژۆکرابوو و دووبارە سزاکانی بەسەر ئێران سەپاندەوە، بەو پێیەش وڵاتان ناتوانن وزە لە ئێران بکڕن، بەڵام بەهۆی دۆخی تایبەتی عێراق، ئەمەریکا بۆ ماوەیەکی کاتی رێگەی بە عێراق داوە وزە لە ئێران بکڕێت.